19 авг 18:14
Янгиликлар

Бокс/ММА

Хабиб Умар Нурмагомедовнинг навбатдаги жанги ҳақида хабар берди

Теглар : Умар Нурмагомедов Мераб Двалишвили

Умар Нурмагомедов сўнгги жангида дивизион чемпиони, грузиялик Мераб Двалишвилига очколар ҳисобига кўра ютқазиб қўйганди.

Умарнинг амакиваччаси, енгил вазнда собиқ UFC чемпиони Хабиб Нурмагомедов жиянининг навбатдаги жанги ҳақида маълумот берди.

"Умар октябрь ойининг охирида октагонга қайтади", — дея қисқа ўзининг ижтимоий тармоқдаги саҳифасида хабар қолдирган Хабиб Нурмагомедов.

Катта эҳтимол билан Умар 25 октябрь куни Абу-Дабида ташкил этиладиган UFC турнирида октагонга чиқади. У шу йилнинг январь ойида ўтган UFC 311 турнирида чемпион Мераб Двалишвилига ҳакамларнинг қарори билан мағлуб бўлганди. 29 ёшли Нурмагомедов ҳисобида UFC промоушенида эришилган 6 ғалаба ҳамда 1 мағлубият бор. 2016 йилда ММАда дебют қилган Умар 2021 йилдан бери дунёнинг энг кучли Лигасида ўз жангларини ўтказиб келяпти.