26 июл 10:15
Янгиликлар
Бокс/ММА
Хабиб Умар Нурмагомедовнинг навбатдаги жангини эълон қилди
Хабиб Нурмагомедов жияни Умарнинг октагонга қайтиши ҳақида маълумот бериб, жанг марказий мақомда бўлишини қўшимча қилди.
"Оқшомнинг асосий жанги, беш раунд. Қайтиш вақти келди, жиян", – дея ўзининг ижтимоий тармоқдаги саҳифасида хабар ёзиб қолдирган Хабиб Нурмагомедов.
Ҳозирча россиялик аралаш яккакураш устасининг навбатдаги жанги қачон ва қаерда ўтказилиши расман эълон қилинмаган. Хабибнинг ўзи ҳам бу маълумотни охиригача очиқламаган. Катта эҳтимол билан у кузда Абу-Дабида жанг ўтказса керак.
Маълумот учун, Умар Нурмагомедов охирги жангини шу йилнинг январь ойида ўтказганди. Ўшанда у UFC чемпиони Мераб Двалишвилига очколар ҳисобига кўра имкониятни бой бериб қўйган эди. Бу Нурмагомедов учун фаолиятидаги илк мағлубият бўлганди. Февраль ойида Умар қўлида жарроҳлик амалиётини ўтказди.
Ҳавола :
Манба : allboxing
Фикрлар