Хабиб Усман Нурмагомедовнинг жангини ўтказиб юборади

Енгил вазнда россиялик Bellator жангчиси Усман Нурмагомедов (15-0) бугун тонгда мазкур вазнда промошен чемпионлиги учун бразилиялик Патрик "Питбуль" Фрейре (24-10)га қарши октагонга кўтарилади. Мазкур жанг ўрин олган Bellator 288 мусобақаси Америка Қўшма Штатларининг Иллинойс штати, Чикаго шаҳрида, "Винтраст" аренасида ўтказилади.

Мазкур қарама-қаршиликда Усман Нурмагомедовга амакиваччаси ва мураббийи бўлмиш Хабиб Нурмагомедовнинг бевосита аренадан ёрдам бера олмаслиги маълум бўлди.

"Бу сафар мен сенинг ёнингда бўла олмайман, лекин ҳар қандай ҳолатда ҳам сен ўзинг жанг қилишинг керак, омад сенга, ука", - деб ёзган Хабиб Инстаграмдаги саҳифаси орқали.