Хабиб vs Конор. Нурмагомедовниг очиқ машғулотдаги гаплари

Кўпчилик катта қизиқиш билан қараган Хабиб Нурмагомедовнинг очиқ машғулотини маҳаллий ишқибозлар хуштакбозлик билан кутиб олишди. Машғулот якунланганидан сўнг Нурмагомедов микрофонни қўлга олиб, асосан ирландиялик мухлисларга мурожаат қилган.

“Уч кундан кейин сен ҳам мен каби бўласан, - деди Хабиб залга қарата. - Мени ёқтириб қоласиз. Сизларга менда умумий савол бор. Сизнинг тилингиз қаерда? Мен ирланд тилини назарда тутяпман. Сизлар тилни ўзгартириб юбординглар. Илтимос, кимдир бу саволга жавоб бера оладими? Сизлар ҳозир Англия билан биргамисизлар?”.

“Конор унинг аждодлари Англияга қарши кураш олиб борганини айтмоқда. Лекин унинг бобоси Кристофер Макгрегор Англия флотида бўлган ва у сизларнинг одамларингизни ўлдирган. Сизлар эса шундай қонхўр инсоннинг набирасини қўллаб-қувватлаяпсизлар”.