12 окт 17:22
Янгиликлар

Бокс/ММА

Хабибга Грознийнинг фахрий фуқаролиги тақдим этилди

Чеченистон Республикаси президенти Рамзан Қодиров UFC чемпиони Хабиб Нурмагомедов билан учрашди.

Спортчи шарафига тантанали кечки овқат ташкил қилинди. Грозний мэри Ибрагим Закриев эса унга фахрий фуқаро унвонини топширди. Хабибга шунингдек, "Грознийнинг 200 йиллигига" деб номланган медаль ҳам тақдим этилган. Унда 27 рақами ҳам туширилган. Чунки, спортчининг ММАдаги ғалабалари сони шунчани ташкил этади.

Рамзан Қодиров фармойишига биноан Хабибнинг отаси Абдулманап Нурмагомедовга "Чеченистон Республикасида хизмат кўрсатган жисмоний тарбия ходими" унвони берилди.

Қодиров шунингдек, Хабибга Мерседес автомашинасини ҳам совға қилган.