14 авг 11:51
Янгиликлар

Теннис

Халеп Якуний WTA турниридаги иштирокини кафолатлаган биринчи теннисчи!

Дунёнинг биринчи рақамли теннисчиси Симона Халеп ўзи учун йилнинг Якуний WTA турниридаги иштирокини муддатидан аввал ҳал қилди.

Йилнинг Якуний турнири Сингапурда бўлиб ўтади. Руминиялик 26 ёшли Халеп бешинчи бор WTA Finals мусобақасида иштирок этади.

Маълумот учун, Симона якшанба куни якунига етган Монреалдаги турнирда бош совринни қўлга киритганди. Халеп шунингдек, жорий мавсум ҳисобидан Ролан Гаррос, Шеньжэнь турнирларида ҳам ғолиб чиқди. Рим ҳамда Австралия Очиқ чемпионати финалида ўйнади.