Халқаро Олимпия кунида дзюдочиларимиз ҳам фаол иштирок этишди + ФОТОРЕПОРТАЖ

Бутунлай янгича форматда ташкил этилган байрам дастури катта спорт жамоатчилиги, шунингдек, юзлаб юртдошларимизни соғлом турмуш тарзи ва Олимпия қадриятлари атрофида бирлаштирди.

Тадбирда Ўзбекистон Республикаси Президентининг спорт бўйича вакили Одил Абдурахманов, Спорт вазири Адҳам Икрамов ҳамда Миллий Олимпия қўмитаси раисининг биринчи ўринбосари Отабек Умаров сўзга чиқиб, барча юртдошларимизни Халқаро Олимпия куни билан муборакбод этди.

“Олимпия шаҳарчаси” ҳудудида спорт федерация ва ассоциацияларининг махсус бурчаклари ташкил этилди ва табиийки, улар орасида Ўзбекистон дзюдо федерацияси бурчаги ҳам бор эди. Тадбирга келганлар дзюдочиларимиз билан бирга татамида курашиш баробарида Олимпиада чемпиони Диёра Келдиёрова, Олимпия ўйинлари совриндори, жаҳон чемпиони Давлат Бобонов билан суҳбатлашишди, суратга тушишди.