03 мар 10:39
Янгиликлар

Бокс/ММА

Хаммерни мағлуб этган Ортис Уайлдер ва Жошуага “вызов” ташлади

Бундан бир неча дақиқа аввал АҚШнинг Бруклин шаҳрида профессионал бокс кечаси якунланди.

Оқшомнинг марказий жанги супероғир вазн тоифасида ўтказилиб, унда Луис Ортис германиялик 31 ёшли Кристиан Хаммерга қарши рингга кўтарилди. Ўн раундга мўлжалланган жанг ғолиби ҳакамлар қарорига кўра аниқланди.

Унда кубалик 39 ёшли Ортис рақибини 100-90, 99-91, 99-91 ҳисобларида мағлубиятга учратди. Луис ғалабадан сўнг чемпионлик жангига тайёр эканлигини билдирди.

“Ҳар бир супероғир вазн тоифасидаги боксчи 40 ёшимда ҳам бемалол жанг қила олишимни билиб қўйсин. Уайлдер, Жошуа, мен тайёрман”, - деди Ортис.