Хамзат Чимаев Даррен Тиллга кураш сирларини ўргатмоқда

Бир пайтлар енгил вазн тоифасида UFC чемпионлигига даъвогарлик қилган Даррен Тилл Хамзат Чимаевнинг таклифидан унумли фойдаланди. У чеченистонлик жангчи билан машғулот ўтказиш учун Швециянинг "Allstars" клубига етиб келди.

Ижтимоий тармоқларга машғулот жараёнидан парчалар, шунингдек, жангчиларнинг суратлари жойланди.

Даррен Тилл ўзининг сўнгги жангини ўтган йилнинг сентябрида Дерек Брансонга қарши ўтказиб, бўғиш усули билан рақибига мағлуб бўлганди. Шундан сўнг Чимаев британияликка очиқчасига мурожаат қилди ва унга кураш сирларини ўрганишда ёрдам беришга ваъда берди.

Айни пайтда Тилл хеч қандай жангга тайёргарлик кўрмаяпти. Чимаев эса UFC ярим ўрта вазн тоифасида иккинчи ўринни банд этиб турган Гилберт Бернс билан жангга тайёрланмоқда.