26 июл 10:50
Янгиликлар

Бокс/ММА

Хамзат Чимаев: "Диаз – гангстер, мен эса чеченман, Нейт кабиларни нонуштага "еймиз"

Асли келиб чиқиши чеченистонлик бўлган Хамзат Чимаев яна бир бор америкалик Нейт Диазга қарши жанг ҳақида кескин фикр билдирди.

"У ҳали ҳам хавфли жангчи. Нейт охиригача курашадиган, осон таслим бўлмайдиган камсонли жангчилар сирасига киради. Диаз билан жанг қилишимдан бахтиёрман. У ҳақида ҳамма "Гангстер, гангстер" деб гапиради. Бемалол уни афсона дея оламан. Лекин мен ҳақиқий гангстер ким эканини кўрсатишга ҳаракат қиламан. Мен чеченман… Биз бу каби гангстерларни нонуштага тановвул қиламиз", — дея Чимаевнинг сўзларини келтиради MMAJunkie.

Эслатиб ўтамиз, Хамзат Чимаев - Нейт Диаз жанги 11 сентябрь куни АҚШнинг Парадайз шаҳрида ташкил этиладиган UFC 279 турнири доирасида ўтказилади.