Хамзат Чимаев ҳар уч ойда жанг ўтказишга тайёр!

Аммо UFC`нинг ўрта вазн тоифасида амалдаги чемпиони, агар ташкилот унга бундай имконият берса, ўз фаоллигини сезиларли даражада оширишга тайёр эканини айтмоқда. 

"Мендан эмас, UFC`дан сўранг. Мен узоқ вақтдан бери тайёр эдим, лекин виза масаласида муаммолар юзага келди. Энди улар ҳал бўлди ва биз тайёрмиз - ҳар уч ойда жанг қилишимиз мумкин", - деди Чимаев UFC on Paramount телеканалига берган интервьюсида.

Хамзат шу келаётган якшанба тонгида Ньюаркда бўлиб ўтадиган UFC 328 турнирида америкалик собиқ чемпион Шон Стрикленддан камарини ҳимоя қилади. Кеча "Борз" бу жанг унинг ўрта вазн тоифасидаги сўнгги чиқиши бўлиши мумкинлигини тасдиқлади. У Лиганинг ярим оғир вазн тоифасидаги чемпионлик камарини қўлга киритишга уриниб кўради. 

Айни пайтда 32 ёшли Хамзат Чимаев вазн тоифасидан қатъи назар, ташкилотнинг энг яхши жангчилари рейтингида учинчи ўринни эгаллаб турибди.