Хамзат Чимаев: "Усмандан кўра Адесаньяни йўқ қилиш осонроқ"

"Мен учун Усмандан кўра Адесаньяни йўқ қилиш осонроқ. У кураш туша олмайди. Охирги жангида Роберт Уиттакер курашчи бўлмаса ҳам уни йиқита олди. Агар уни йиқитсам бошини узиб оламан. Бу жангдан пул ишлаб олишим осон бўлади" - дея Чимаевнинг сўзларини кертиради "Час ММА".  

Шунингдек, Чимаев 9 апрель куни Жексонвилда бўладиган UFC 273 турниридаги рақиби, Гилберт Бернс икки нафар россиялик курашчини машғулотга таклиф қилганига ҳам муносабат билдирди.

"Нима қилишимни билмайди. У стрессда. Чунки унинг барча фикрлари фақат шу билан банд. Уни эшитаман ва тамом бўлганини тушунаман. У айтади "Менинг иккита яширин рус жангчим бор". Икки-уч ойда курашни қандай ўрганасан? Бу мумкин эмас. Тушида ҳам мени енга олмайди ва буни ўзи ҳам билади.

Биламан, мен машғулот ўтказган йигитлар билан гаплашган. У шунчаки қўрқиб кетган. Ҳар қандай одамни ўлдиришим мумкинлигини ҳис қиляпман. Барча даврларнинг энг буюк жангчисиман. Мен энг зўриман" - дея кўшимча қилди Чимаев.