Хамзат Чимаев ва Дрикус дю Плессининг жанг учун гонорарлари маълум

Бизнинг вақт билан тахминан эрталабки соат 9 ларда мағлубият нималигини билмай келаётган Хамзат Чимаев ўрта вазн чемпиони Дрикус дю Плессига қарши октагонга чиқади. 

Sportskeeda нашри берган хабарга кўра, Хамзатнинг ушбу жанг учун оладиган кафолатланган гонорари 1,8 млн АҚШ долларини ташкил қилади. Бу Хамзатнинг фаолиятидаги энг катта гонорар ҳисобланади. Дю Плесси эса жангдан роппа-роса 3 млн доллар ишлаб олади. 

Маълумот учун, БАА шарафини ҳимоя қилаётган 30 ёшли Хамзат Чимаев 2020 йилда UFC промоушенида дебют қилган. Унинг ҳисобида дунёнинг энг кучли Лигасида ўтказилган 8 та жанг бор. У барча жангларда ғалаба қозонган. 31 ёшли Дрикус дю Плесси ҳам айнан 2020 йилда UFC`да дебют жангини ўтказган. У UFC октагонида 9 та жанг ўтказиб, барчасида зафар қучган.