Хавьер Мендес: "Умар Нурмагомедовнинг 2024 йилда UFC чемпиони бўлишига кафолат бераман"

АКА спорт зали асосчиси ва энг енгил вазн тоифаси (- 61 кг)да россиялик UFC жангчиси Умар Нурмагомедов (15-0, рейтингда - 11)нинг мураббийи Хавьер Мендес шогирдининг UFC'даги келажаги ҳақида гапирди.

"Раони Барсельос билан жангдан сўнг, балки UFC бизга чемпионлик учун имконият берар, агар бундай бўлмаса, яна жанг қилиш керак бўлади. Агар Умар бу йил чемпионлик учун курашиш имкониятига эга бўлмаса, кейингисида бундай имкон албатта бўлади. 2024 йилда Умар UFC чемпиони бўлади, бунга кафолат бераман", - деди Мендес The Schmo YouTube каналига берган интервюсида.

Умар Нурмагомедов навбатдаги жангини 15 январь куни Лас-Вегас (АҚШ)да ташкил этилаётган UFC Fight Night мусобақаси доиасида бразилиялик Раони Барсельос (17-3)га қарши ўтказади.