Хави Анчелоттини 4-маротаба енгди. “Карло ота” Ла Лигадаги 8 “Эл Класико”дан бешинчисини бой берди

“Барса” устози Хави Карло Анчелоттига олтинчи маротаба тўқнаш келиб, 4-ғалабасини тантана қилди. Аввалроқ, “кўканоррангилар” 4:0, 3:1 ҳамда 1:0 ҳисоблари билан рақибни енгишган ва 2:3 ҳамда 1:3 натижалари билан ютқазишганди.

Бундан ташқари, Анчелотти Ла Лига доирасида саккизинчи “Эл Класико”сида 5-мағлубиятини қабул қилиб олди. “Реал” билан “Барселона”ни 4 мартадан кўпроқ енгиш фақатгина тўрт мутахассисга насиб этган: Зинедин Зидан (4), Луис Моловни (5), Франсиско Бру (5) ва Мигель Муньос (12).