Хирн Жошуа - Усик реванши қачон ва қаерда ўтказилиши мумкинлиги ҳақида гапирди

Кеча оғир вазн тоифасида собиқ чемпион Энтони Жошуа Усик билан яна учрашишини айтиб ўтди. Жошаунинг шартномасида зудлик билан реванш жанги ўтказилиши ҳақида банд бор.

Хирн жангдан кейинги матбуот анжуманида таъкидлаганидек, Жошуанинг ўнг кўзи жароҳатланмаган деб фараз қилсак, британиялик суперюлдузнинг промоутери уларнинг иккинчи тўқнашуви февраль ёки март ойида Буюк Британияда ўтказилиши маъқул деб ҳисоблайди.

«Билмайман, февраль-март»,-  деди Хирн. «Айтмоқчиманки, мен бу жангни яна Буюк Британияда қилмоқчиман. Аммо яна, биз Алекс Красюк билан ўтириб, бу ҳақда гаплашамиз. Биласизми, реванш учрашувини ўтказишга қизиққан бир неча киши бор эди. Мен буни Буюк Британияда қилишни хоҳлардим. Бу АJ учун фойдали бўларди. Мен бу кечадаги атмосферани ақл бовар қилмас деб ўйладим. Аммо, биласизми, биз Алекс Красюк ва Эгис Климас билан ўтириб, улар учун ҳам нима маъқулроқ эканлигини билиб оламиз».

Хирн Усикнинг жамоаси реванш жангининг Украинада ўтказилишини талаб қилмаслигига шубҳа билан қарайди.

«Бу жуда мушкул деб ўйлайман», -деди Эдди Украина реванш жангини ташкил эта оладими деган саволга. «Украина унчалик яхши вариант эмас. Биз даромадни максимал даражада ошириш учун биргаликда ҳаракат қиламиз. Тўғрисини айтганда, Украинада бўлиши ҳам эҳтимолдан йироқ эмас. Лекин назаримда ушбу учрашув Буюк Британияда бўлади», - деди Эдди Хирн.