Хитойда миллий биатлон ва чанғи марказлари қуриб битказилди

Хитойнинг “Цинхуа” ахборот агентлиги хабар беришича, ушбу марказлардаги қурилиш жараёни кўнгилдагидек тамомланган. Таъкидлаш жоиз, бу икки иншоот Чжанцзякоу кластерининг бир бўлаги ҳисобланади. Ташкилий қўмита томонидан “Нефрит ҳалқаси” деб номланган ерусти йўлаги ушбу икки иншоотни трамплин Миллий маркази билан бевосита боғлайди. 2022 йилги қишки Олимпия ўйинлари 3 жойда – Пекин, Янцин ва Чжанцзякоу шаҳарларида ўтиши белгиланган.

Ташкилий қўмита вакиллари, барча объектлар шу йилнинг охиригача қуриб битказилишини айтишмоқда. Пекин-2022 да биатлон бўйича 11 та, чанғи спорт турида эса 12 та медаллар жамланмаси ўйналади. Хитой биатлончилар ассоциацияси ва Халқаро биатлон иттифоқи қишки Олимпиада олдидан меморандум имзолашди ва унда биатлон спорт турини Чин ўлкасида оммалаштириш ҳам кўзда тутилган.

Эслатиб ўтамиз, Пекиндаги қишки Олимпия ўйинлари 2022 йилнинг 4 февралида старт олади. Мазкур биатлон трассаси янги мавсумнинг 8-босқичини қабул қилади.