04 дек 11:11
Янгиликлар

Теннис

Хитойлик 16 ёшли теннисчи Australian Open турнирига wild card ютиб олди

Хитойлик 16 ёшли Синь-Ю Ван “Катта Дубулға” туркумига кирувчи йилнинг тўртта мусобақасидан дастлабкиси “Australian Open”нинг асосий тўрига wild card, яъни имтиёзли йўлланмани қўлга киритди.

Дунё рейтингида 764-ўринни эгаллаб турган хитойлик ёш иқтидор эгаси Осиё-Тинч океани минтақаси теннисчилари учун ўтказилган саралаш турнирининг финал баҳсида Папуа-Янги Гвинея вакиласи Эбигейл Тере-Аписни 4:6, 7:5, 6:4 ҳисобида мағлуб этди.

Синь-Ю Ван 16 ёшида “Катта Дубулға” туркумидаги турнирларнинг асосий тўрида ўйнайдиган учинчи теннисчига айланди. Хитойлик теннисчига қадар америкалик Аманда Анисимова ҳамда россиялик Анастасия Потаповага ҳам бундай бахт насиб этган эди.