Хонободда Баҳодирлар ўйинлари ва тош кўтариш бўйича Ўзбекистон кубоги ўтказилди

Деярли барча вилоятлар ҳамда Тошкент шаҳридан келган 300 нафарга яқин полвонлар Ўзбекистон кубоги ҳамда мураббийлар А.Валиев, М.Гафаров, Ш.Нажмиддинов, Т.Одилжонов хотирасига бағишлаб ўтказилган мусобақада ўзаро беллашишди. 

Баҳодирлар ўйинларининг катталар ўртасидаги мусобақасида Аваз Ҳайдаров (Тошкент) ғолиб бўлди. Бекзод Худойқулов (Фарғона) иккинчи, Баҳодир Йўлчиев (Сирдарё) эса учинчи совринли ўринни эгаллади. 

Ёшлар ўртасидаги баҳсларда кутилганидек, хонободлик Нуриддин Эргашев ғолиблик шоҳсупасига кўтарилди. Аҳрор Мамажонов (Қўқон) иккинчи ўринни эгаллаган бўлса, кучли учликка Тошкент шаҳри вакили Асадбек Ўзгенбаев якун ясаб берди. 

Ўзбекистон Кубогининг тош кўтариш баҳсларида С.Эргашев (Тошкент шаҳри, 60 кг), М.Қурбонов (Тошкент вилояти, 70 кг) Н.Мирзаев (65 кг), Ш.Эргашев (Тошкент, 75 кг), Н.Охунжонов (Тошкент, 80 кг), Ж.Қурбонов (Сирдарё, 90 кг), И.Ҳокимжонов (Сирдарё, +90кг).

Ушбу йўналишнинг қизлар ўртасидаги беллашувларида Нафиса Абдуллажонова (Хўжабод, 60 кг), Гулмира Иброҳимова (Сирдарё, 70 кг), Нигора Ўзгенова (Хўжабод, +70 кг) мамлакат кубоги соҳиби бўлди. 

Шунингдек, имконияти чекланганлар ўртасида ҳам мусобақа ташкил этилди. Унда Жавоҳир Аҳмедов (Хонобод, 60 кг), Камрон Шокиржонов (Хонобод, 70 кг), Мухторжон Йўлдошев (80 кг), Ашров Умаров (Бухоро, +80 кг) ўз вазн тоифаларида ғолибга айланишди. 

Бундан ташқари, мусобақа доирасида Ўзбекистон Баҳодирлар ўйинлари ва тош кўтариш федерациясининг Конфренцияси ҳам бўлиб ўтди. Унда федерация раиси Воҳиддин Нажмиддинов, раиснинг биринчи ўринбосари Н. Муратов, раис ўринбосарлари И.Насриев, М.Тожибаев, С.Муратов, бош котиб Қ.Арзибаев бир овоздан ўз лавозимларига қайта сайланишди. Бош мураббий Лочин Ҳусанов, ёшлар терма жамоаси бош мураббийи Нуриддин Эргашев, шунингдек, федерация ижрочи директори Ш.Эргашев ҳам ўз вазифаларини давом эттирадиган бўлишди.