18 янв 10:39
Янгиликлар

Олимпия ўйинлари, Қишки спорт турлари

ХОҚ Бьорндаленга Олимпиада-2018 учун имтиёзли квота бермайди

Норвегиялик афсонавий биатлончи саккиз карра Олимпиада чемпиони Уле-Эйнар Бьорндален тўрт йилликнинг энг нуфузли мусобақасида иштирок этмайдиган бўлди.

Норвегия терма жамоаси мураббийлари Бьорндаленнинг сўнгги натижалари талаб даражасида бўлмагани учун уни Олимпиадага борадиган якуний таркибга киритишмаганди. Шундан сўнг Халқаро Олимпия қўмитасининг Уле-Эйнарга имтиёзли шахсий квота бериши мумкинлиги ҳақидаги хабар тарқатилган эди.

Лекин кеча Халқаро Олимпия қўмитаси томонидан бундай имтиёз тақдим этилмаслиги ҳақидаги қарор қабул қилинди. Шу тариқа, Бьорндален расман келаси ой Жанубий Кореянинг Пхёнчхан шаҳрида ўтказиладиган Қишки Олимпиадада иштирок этмайдиган бўлди.