24 мар 13:39
Янгиликлар
Бокс/ММА
Хорхе Масвидалнинг Колби Ковингтонга қилган ҳужум тафсилотлари маълум - жанжалга пичоқ аралашган
Полиция ҳисоботига кўра, душанба куни кечқурун Хорхе Масвидаль ресторандан чиқиб кетаётган Ковингтонга ҳужум қилиб, унинг жағи ва чап кўзига икки марта пичоқ уришга ҳаракат қилган.
Жабрланувчининг сўзларига кўра, ҳужум тўсатдан содир бўлган ва ташқаридан келган. Хорхе ниқоб таққанига қарамай, ниқоб остидан чиқиб кетган сочлари ва овозидан Ковингон уни ўзининг собиқ жамоадоши эканлигини таниди. Ҳужум пайтида Масвидаль «Менинг болаларим ҳақида гапирмаслигинг керак эди» деб бақирган.
Ковингтоннинг қўшимча қилишича, унга яна уч ёки тўртта тажовузкор одам яқинлашаётганини кўрган, шундан сўнг у ҳужумчини итариб юборган ва ресторанга қайтиб югурган, у ердан полицияни чақирган. Ковингтон билан суҳбатдан сўнг полиция видеокузатув камераларини кўрган.
Ҳозирги маълумотларга кўра, Масвидаль ҳамон озодликда, бироқ яқин орада унга қарши айбловлар қўйилиши мумкин.
Ҳавола :
Манба : fighttime.ru
Фикрлар