Хуберт Гуркач хитойлик теннисчига ютқазиб қўйди

Кутилмаганда дунёнинг 11-ракеткаси Хуберт Гуркач илк даврадаёқ мағлубият аламини тотиб кўрди. Польшалик теннисчи ATP рейтингида 57-поғонада бораётган хитойлик Чжичжень Чжанга имкониятни бой бериб қўйди - 6/3, 4/6, 6/7(4).

Бу Чин юрти вакилининг ўзаро учрашувлардаги илк ғалабаси бўлди - 1:2. Икки соату 17 дқиқа давом этган баҳсда Гуркач 5, Чжан 10 та эйс зарбасини амалга оширди. Иккала теннисчи ҳам 3 тадан брейкка эришди. Энди Чжичжень иккинчи босқисда россиялик Аслан Карацевга қарши кортга чиқади.