07 окт 07:23
Янгиликлар

Футбол

Хулен Лопетеги: “Истеъфо? Биз пешқадамдан 3 очкога ортда қоляпмиз”

Мадриднинг “Реал” клуби бош мураббийи Хулен Лопетеги “Алавес”дан қабул қилинган мағлубият (0:1) ҳақида фикр билдирди.

Лопетеги “Қироллик клуби”га омад етишмаётганини таъкилдади. “Реал” сўнгги тўртта ўйиндан бери рақиб дарвозасини ишғол қила олмаяпти.

“Биз хайратдамиз. Учрашувни яхши бошладик, кўплаб вазиятларни юзага келтирдик. Лекин бу вазиятларни голга айлантира олмадик. Омад биздан очиқчасига юз ўгирди. Бугун мағлубиятга лойиқ эмасдик.

Истеъфо? Мен бу ҳақда ўйламаяпман. Қониқарсиз натижаларга қарамай, биз пешқадамдан бор йўғи уч очкога ортда қоляпмиз. Ҳали голлар ҳам, бунинг кетидан ғалабалар ҳам бўлади. Ҳозирча шундай “қора йўлакча”га тушиб қолганмиз. Лекин биз албатта ёруғликка чиқамиз”, - деди Лопетеги.

Маълумот учун, “Реал” карвонбоши “Барселона”дан 3 очкога ортда қолмоқда. Эрнесто Вальверде шогирдлари бугун сафарда “Валенсия” жамоаси меҳмони бўлишади. Агар каталонияликлар ғалаба қозонишса, фарқ 6 очкога етади.