Хуршид Тожибоевнинг Қозоғистондаги жанги якунланди

Хуршид учун проф боксдаги учинчи жангда филиппинлик Ивор Ластрилья рақиб бўлди. Саккиз раундга мўлжалланган жанг тўрт раунд давом этди. Аниқроғи, кетма-кет зарбалар ўтказиб юборган филиппинлик боксчи тўртинчи раунд якунлангач жангни давом эттира олмаслигини маълум қилди. 

Шу тариқа, Хуршид профессионал боксдаги учинчи жангида учинчи ғалабасини (2 та нокаут) қўлга киритди. Филиппинлик боксчи эса шу кунгача 19 та жанг ўтказиб, уларнинг 11 тасида ғалаба қозонганди (6 та нокаут). Хуршидга қарши жангда у фаолиятидаги 8-мағлубиятини қабул қилиб олди (2 нокаут). Яна битта жангда эса дуранг қайд этган.