Хушхабар. Ўзбекистон эркаклар терма жамоаси ҳам жаҳон чемпионатида иштирок этади

ITTF CC 2022 йилги стол тенниси бўйича жамоавий жаҳон чемпионатига қўлланиладиган саралаш тизимига овоз берди. Шу тариқа, ҳозирга келиб 33 та терма жамоанинг номи аниқ бўлган жаҳон биринчилигида Ўзбекистон эркаклар терма жамоаси Осиёнинг 11-рақамли жамоаси сифатида қатнашиш ҳуқуқини қўлга киритди.

Терма жамоамизнинг бу ҳуқуққа эга бўлишида ITTF ижроия қўмитасининг овози муҳим роль ўйнади. Овоз бериш жараёнида қитъа федерациялари президентларидан иборат Кенгаш аъзолари иштирок этди.

Бу йил қитъалараро танлов ўтказиш имконияти йўқлиги сабабли қолган ўринларни қандай тақсимлаш бўйича бир қанча таклифлар билдирилди.

Ушбу таклиф берилишига сабаб агарда рейтинг бўйича йўлланмалар тақсимланганида, деярли барча ўринлар Европа қитъасига ўтиб кетар эди. Шу сабабли ҳам ITTF CC овоз бериш жараёнида ҳар бир қитъага рейтинг бўйича биттадан жой беришга қарор қилди.

Эслатиб ўтамиз, овоз бериш жараёнида федерация раисларидан ташқари қитъа кенгашларнинг кўплаб аъзолари иштирок этди. Бундан кўзланган мақсад эса ҳеч қандай илтимос ва коррупцияга йўл қўймаслик эди.