10 фев 21:45
Янгиликлар

Дзюдо

Хушхабарлар давом этади! Вячеслав Перетейко Токио Паралимпия ўйинларида ҳакамлик қилади!

Халқаро тоифадаги рефери Вячеслав Перетейко расман Токио Паралимпия ўйинларида ҳакамлик қилиш ҳуқуқини қўлга киритди.

Бу ҳақида Халқаро дзюдо федерацияси (IJF) Ҳакамлар қўмитаси маълум қилди. Ташкилот бу борада Ўзбекистон дзюдо федерациясига расмий мактуб йўллади ва тегишли сертификатни тақдим этди. Вячеслав Перетейко IJF байроғи остида ўтказиб келинаётган мусобақаларда ҳакамлик қилиб, ўзини ижобий томондан намоён эта олди.

МАЪЛУМОТ УЧУН:

Вячеслав Перетейко - 1981 йил 19 январда Тошкент шаҳрида дунёга келган. Спортчилик фаолияти давомида асосан -90 кг вазн тоифасидаги беллашувларда юртимиз спорт шарафини ҳимоя қилган. Афина-2004 Олимпиадаси иштирокчиси, Осиё чемпионатларининг кумуш ва бронза, Осиё ўйинларининг бронза медали совриндори бўлган.

Ўзбекистон дзюдо федерацияси матбуот хизмати