19 июл 11:48
Янгиликлар
Яккаликдаги иштирокини якунлаган Оқгул ва Нигина жуфтликда ярим финалга чиқишди
Мукофот жамғармаси 80 000 АҚШ долларини ташкил қилувчи ушбу мусобақада мамлакатимизнинг етакчи теннисчилари - Сабина Шарипова, Нигина Абдураимова ва Оқгул Омонмуродова ҳам иштирок этяпти. Ҳамюртларимиздан Нигина ва Оқгул яккаликнинг иккинчи даврасида мағлубиятга учрашди.
Энди бу теннисчиларимиз бор эътиборларини жуфтликдаги иштирокларига қаратишган. Ҳар иккала теннисичимиз ҳам иккитадан учрашувда ғалабага эришиб, ярим финалга йўл олишди.
Грузиялик Екатерина Горгодзе билан тўртинчи рақамли жуфтликни ҳосил қилган Омонмуродова чорак финалда индонезиялик теннисчилар - Беатрис Гумуля ҳамда Жесси Ромпиес ҳамкорлигини 6:1, 6:3 ҳисобида мағлуб этишди.
Россиялик Анастасия Фролова ҳам тандем ҳосил қилган Нигина Абдураимова эса германиялик Вивиан Хайсен ҳамда сербиялик Наталья Костич жуфтлигидан 6:2, 6:4 ҳисобида устун келди. Энди Оқгул ва Нигина ярим финалда бир-бирларига қарши кортга чиқишади. Натижадан қатъий назар турнир финалида ўзбекистонлик теннисчи бўлади.
Фикрлар