22 окт 08:56
Янгиликлар

Теннис

Якуний WTA турнири. Дунёнинг иккинчи ракеткасида мағлубият

Хабар берганимиздек, Сингапурда теннис бўйича йилнинг Якуний WTA турнири старт олди.

Дунёнинг энг кучли саккиз нафар теннис маликалари иштирок этаётган BNP Paribas WTA Finals Singapore турнирининг соврин жамғармаси 7 миллион долларни ташкил этади. Элина Свитолинадан сўнг Каролина Плишкова ҳам ғалабага эришди.

Оқ гуруҳнинг иккинчи учрашувида иштирок этаётган дунёнинг иккинчи ракеткаси даниялик Каролин Возняцки кутилмаганда саккизинчи ракетка чехиялик Каролина Плишковага 2/6, 4/6 ҳисобида ютқазиб қўйди. Бу гуруҳда Свитолина ва Плишкова қўшҳокимлик ўрнатишди.