27 окт 21:22
Янгиликлар

Теннис

Якуний WTA турнири. Свитолинанинг финалдаги рақибаси маълум

Сингапурда ўтказилаётган теннис бўйича йилнинг Якуний WTA турнири ўзининг ҳал қилувчи палласига кирди.

Дунёнинг энг кучли саккиз нафар теннис маликаларини ўзида жамлаган BNP Paribas WTA Finals Singapore турнирининг соврин жамғармаси 7 миллион долларни ташкил этади.

Сайёрамизнинг олтинчи ракеткаси, америкалик Слоан Стивенс турнирнинг иккинчи финалчисига айланди. У чехиялик Каролина Плишковага қарши ярим финал баҳсида ирода намойиш этди.

Биринчи сетни 0:6 ҳисобида бой берган Стивенс кейингиларида зафар қучди - 6:4, 6:1. Ушбу ярим финал учрашуви 1 соату 55 дақиқа давом этди. Эртанги финалда Слоан украиналик Элина Свитолинага қарши кортга чиқади. Элина голландиялик Кики Бертенсни 7:5, 6:7(5), 6:4 ҳисобида мағлуб этди.