29 окт 07:51
Янгиликлар

Теннис

Якуний WTA турнирининг аёллар жуфтлигида ғолиблар аниқланди

Сингапурда бир ҳафта давом этган йилнинг Якуний WTA турнири ўз якунига етди.

Дунёнинг энг кучли саккиз нафар теннис маликаларини ўзида жамлаган BNP Paribas WTA Finals Singapore турнирининг соврин жамғармаси 7 миллион долларни ташкил этди.

Мусобақанинг аёллар ўртасидаги жуфтлик баҳсларида франциялик Кристина Младенович ва венгриялик Тимеа Бабош ҳамкорлиги бош мукофотни қўлга киритди. Улар 1 соату 24 дақиқа давом этган финал беллашувида чехиялик теннисчилар - Барбора Крейчикова ва Катержин Синяковани енгишди - 6/4, 7/5.

Ушбу муваффақиятли иштирок Младенович ва Бабошга 500 000 доллар мукофот пули ҳамда 1500 рейтинг очкосини тақдим этди. Бу Бабош ва Младеновичнинг Якуний турнирдаги илк совринлари бўлди.