29 авг 16:01
Янгиликлар

Бокс/ММА

Ян Блахович UFC'даги кейинги жанги учун шартнома имзолади, унинг Гусков билан тўқнаш келиши айтиляпти + ФОТО

Яримоғир вазн тоифаси UFC рейтингида бешинчи ўринни эгаллаб турган польшалик аралаш яккакураш устаси Ян Блахович навбатдаги жанги бўйича келишувга эришди.

Бу ҳақда 42 яшар фахрий атлетнинг ўзи маълум қилди.

Бироз олдин ҳамюртимиз Богдан Гусковнинг дўсти ва жамоадоши Вальтер Уокер Ян Блаховичнинг кейинги рақиби айнан Гусков бўлишини айтганди.

Маълумот ўрнида, Ангренда туғилган Богдан ҳозирда UFC рейтингида 10-ўринда бормоқда. У кетма-кет тўртта жангида муддатидан аввал ғалаба қозонди.