23 янв 16:54
Янгиликлар

Теннис

Яна бир етакчи учун Australian Open якунланди

Сайёрамизнинг олтинчи рақамли теннис маликаси Паула Бадоса Австралия Очиқ чемпионатидаги иштирокини тўхтатди.

Испаниялик теннисчи Australian Open турнирининг нимчорак финалида WTA рейтингида 51-поғонадан жой олиб турган америкалик Мэдисон Кизга 3/6, 1/6 ҳисобида имкониятни бой бериб қўйди.

Етмиш бир дақиқа давом этган баҳсда Паула битта, Мэдисон эса учта эйс зарбани амалга оширди. Бу теннисчиларнинг ўзаро ўтказган илк учрашуви эди. Энди Киз чорак финалда чехиялик Барбора Крейчиковага қарши кортга чиқади.