Яна бир таэквондочимиз Бутунжаҳон армия ўйинлари финалида!

Бугунги кунги мусобақаларда ҳам тўрт нафар таэквондочимиз юртимиз шарафини ҳимоя қилмоқда. 

-58 кг вазн тоифасида ўзбекистонлик Улуғбек Рашитов мусобақани германиялик Сезгин Абдуллатифни 33:0 ҳисобида мағлуб этиб бошлади. Нимчорак финалда эса мўғулистонлик Молом Туменбаяр 24:15 ҳисобида таслим этилди. Чорак финалда кореялик Ким Даэикни 28:11 ҳисобида мағлуб этган Рашитов ярим финалга чиқди. 

Ярим финалда италиялик Вито Делл Акила билан тўқнаш келган ҳамюртимиз 13:12 ҳисобида ғалабага эришиб финалга йўл олди! 

Финалда Рашитов хитойлик Лианг Юшуаи билан тўқнаш келади. Баҳс Тошкент вақти билан соат 14:30да бошланади. 

-46 кг вазн тоифасида Шохсанам Аъзамова 1/8 финалда франциялик Алтея Лауринни мағлуб этди. Афсуски чорак финалда Аъзамова германиялик Оезлем Гуеруезга имкониятни бой бериб қўйди.

Ўзбекистон таэквондо WT ассоциацияси матбуот хизмати