Яна икки медаль сабаб умумжамоа ҳисобида 6-ўринга кўтарилдик + ЖАДВАЛ

Хабарингиз бор, кечаги беллашувларда ҳамюртларимиздан Шарофиддин Болтабоев (-81 кг) кумуш, Гулноза Матниязова (-70 кг) бронза медалини қўлга киритган эди. Учинчи кунги баҳслар олдидан терма жамоамиз ҳисобида 1 та кумуш, 3 та бронза медали бор. 

Кеча яна 2 та олтин медалини расмийлаштириб олган Япония терма жамоаси пешқадамлигини мустаҳкамлаб олди. Дзюдо ватани вакиллари 5 та олтин, 1 та кумуш, 1 та бронза медалига эга бўлиб туришибди. Иккинчи поғонадан жой олган Мўғулистон терма жамоаси 2 та олтин, 2 та кумуш медалга эга. Кучли учликка 1 та олтин ва 1 та кумуш медаль билан Жанубий Корея делегацияси якун ясаган.