13 сен 07:34
Янгиликлар

Токио-2020

Яна иккита бронза, умумий 23та медалга эга Ўзбекистон 9-ўринда!

Бразилиянинг Рио-де-Жанейро шаҳри мезбонлик қилаётган Паралимпия ўйинларининг бешинчи кунги баҳслари ўзбекистонлик спортчилар учун яна 2та бронза медалини тақдим этди.

Айни пайтга келиб, Ўзбекистон Паралимпия терма жамоаси ҳисобида 6та олтин, 4та кумуш, 13та бронза, жами 23та медал бор. Ушбу натижаси эвазига терма жамоамиз умумжамоа ҳисобида 9-ўринни эгаллаб турибди. Биздан аввалги ўринда бораётган Голландия терма жамоасида ҳам 6та олтин медал бор.

Роппа-роса 50та олтин, 40та кумуш, 28та бронза, жами 118та медал жамғарган Хитой терма жамоаси ҳам пешқадамликни давом эттирмоқда. Иккинчи поғонадаги Буюк Британия Паралимпия терма жамоаси ҳисобида жами 63та медал бор. Шулардан 28таси олтин, 16таси кумуш, 19таси бронза медалидир. Кучли учликка Украина терма жамоаси 22та олтин, 19та кумуш, 20та бронза медали билан якун ясаган.

Ҳавола :

Манба : olamsport.com

Рейтинг: +2