Янги форматдаги клублар ўртасидаги ЖЧнинг умумий мукофот жамғармаси маълум

Янги кўринишдаги жаҳон чемпионатининг умумий соврин жамғармаси 2,5 миллиард еврони ташкил қилади. Marca'нинг хабар беришича, ушбу маблағнинг 70 фоизи Европанинг 12 клуби ўртасида тақсимланади. Қолган 30 фоизи эса турнирда иштирок этадиган қолган 22 жамоага бўлиб берилади.

Эслатиб ўтамиз, янги форматдаги ЖЧнинг очилиш учрашувида "Интер Майами" ва "Ал Аҳли" жамоалари ўзаро баҳс олиб боради. Учрашув келаси йилнинг 15 июнь санасида бўлиб ўтади.