Япония 11 та медаль билан Париж "Катта Дубулға"да биринчи бўлди

Икки кунлик мусобақа якунларига кўра Япония дзюдочилари умумжамоа ҳисобида биринчи ўринни эгаллашди. Дзюдо ватани вакиллари 7 та олтин, 2 та кумуш, 2 та бронза медали жамғаришга муваффақ бўлишди. Россия терма жамоаси 3 та олтин, 2 та кумуш билан иккинчи ўринни эгаллаган бўлса, кучли учликка 2 та олтин ва 1 та бронза медали билан Исроил терма жамоаси якун ясади.

Умуман олганда, Франция татамиларида 15 давлат дзюдочилари камида битта бронза медалини қўлга киритган. Португалия ва Озарбайжон терма жамоалари биттадан олтин медалга эга чиқишди.