Японияда ўтказилган сўровда қатнашганларнинг учдан бир қисми Токио Олимпиадасига қарши!

Сўровда қатнашганларнинг 23,9 фоизи Олимпия ўйинларини Токиода ўтказиш тарафдори. 36,4 фоиз ўйинлар яна қолдирилиши керак, деб ҳисоблайди, чунки бир йил ичида коронавирус билан боғлиқ вазият барқарорлашмайди, деган фикрда.

33,7 фоизи Олимпиаданинг бекор қилинишини маъқуллашди – уларнинг фикрига кўра, Япония ҳукумати спорт тадбирларига эмас, балки коронавирусга қарши курашга кўпроқ пул сарфлаши керак.

Эслатиб ўтамиз, Токио Олимпиадаси 2020 йил 24 июлдан 9 августгача бўлиб ўтиши керак эди, аммо коронавирус пандемияси туфайли турнир 2021 йил худди шу саналарга қолдирилганди.