Йўғе? Хирн ҳовлисида жанг оқшоми ташкил қилиши мумкин. Бу қандай бўлади? (ФОТО)

Промоутер Брентвуддаги 15 акрлик ҳовлисида бокс оқшоми ташкил этиш ҳақида ўйламоқда. 

Хирн июль ва август ойининг тўртта шанбасида жанглар ташкил қилмоқчи. Ҳар бир жанг оқшомида 4-5 тадан жанг бўлади. Улар орасида Уайт - Поветкин тўқнашуви ҳам кутилмоқда. 

Промоутер ушбу ғояни амалга ошириш учун 1 миллион фунт сарфламоқчи. Бу режанинг ҳатто сурати ҳам тайёр:

"Боғ марказида рингни тасаввур қилинг. Барчасини нолдан бошлаш лозим: жангчилар учун кийиниш хоналари, уларни рингга чиқиб келиши режасини ўйлаш. Ва биз бунда одамларнинг иштирокини минималлаштиришимиз лозим. 

Узоқ бўлмаган отель билан музокаралар олиб боряпмиз. У ерда нафақат боксчилар, балки уларнинг жамоадошлари ҳам яшашади. Коронавирусга тестлар ҳам ўша ерда бўлишини истаймиз", - деди Хирн.