05 янв 08:39
Янгиликлар

Ёш спортчилар Абдулла Қодирий музейида бўлишди + ФОТО
Ўзбекистон Республикаси Президентининг 2019 йил 13 декабрдаги “Ўзбекистон Республикаси Қуролли Кучлари ташкил этилганлигининг 28 йиллиги ҳамда Ватан ҳимоячилари кунига тайёргарлик кўриш ва ўтказиш чора-тадбирлари тўғрисида”ги фармойишида белгиланган вазифалар ижросини таъминлаш бўйича Ўзбекистон Республикаси Вазирлар Маҳкамасида 2019 йил 28 декабрда ўтказилган видеоселектор йиғилишида белгиланган топшириқлар ижроси бўйича Ўзбекистон Республикаси Жисмоний тарбия ва спорт вазирлигининг тегишли буйруғи ижросини таъминлаш мақсадида вазирлик томонидан спорт мусобақалари ҳамда жойларга экскурсиялар амалга оширилмоқда.
Ўзбек романчилигининг асосчиси ватанпарвар адиб Абдулла Қодирий хотирасига эҳтиром кўрсатиш, миллий адабиётимизга қўшган беқиёс ҳиссасини улуғлаш мақсадида, Президент Шавкат Мирзиёев ташаббуси билан пойтахтимизнинг Абдулла Қодирий номидаги маданият ва истироҳат боғи олдида унинг ижод мактаби ва музейи барпо этилди.
Кеча ушбу масканга пойтахтдаги спорт мактаблари тарбияланувчилари учун экскурсия ташкил этилди.
Экскурсия давомида ёш спортчилар адибнинг дунё тан олган асарлари, роман ва қиссаларининг яратилиши тарихини монитор орқали намойиш этилаётган тарихий ва таниқли фильмлар орқали томоша қилишди. Ушбу фильмлар спортчиларда ажойиб таассурот, ватандошимизга нисбатан чексиз фахр уйғотди.
Ташрифдан кўзланган асосий мақсад – бўлажак чемпионларни адиб ҳаёти ва ижоди билан яқиндан таништириш, уларда ватанпарварлик туйғуларини янада юксалтиришдан иборатдир.
Бундай тадбирлар юртимизнинг барча жойларида 10 январга қадар давом этади.
Фикрлар