Ёш юнон-рум курашчиларимиз Туладаги турнирда

Бу ҳақда Ўзбекистон спорт курашлари ассоциацияси матбуот хизмати хабар бермоқда. 1972 йилги Олимпиада чемпиони Шамил Хисамутдинов соврини учун ўтказилаётган мазкур турнир 10-11 декабрь кунлари бўлиб ўтади.

Мусобақа икки ёш тоифасида - 2000-2001 ҳамда 2002-2003 йилларда таваллуд топган ёш полвонлар ўртасида ташкил этилади.

Ушбу халқаро турнир спортчиларимиз учун келаси йили Таиландда ўтказиладиган Осиё чемпионати, сентябрь ойида Грецияда бўлиб ўтадиган жаҳон чемпионатига саралаш ҳамда синов вазифасини ўтаб беради.

Ўзбекистон терма жамоаси таркиби қуйидагича:

Авазхўжа Сулаймонов (42кг), Тимур  Баҳронов (42 кг), Зайниддин Наширов (46 кг), Элдор  Каримов (46 кг), Асилбек Неъматов (50 кг), Қаҳрамон  Гасилов (58 кг), Жавоҳирбек Саматов (58 кг), Нодирбек Эшпўлотов (63 кг), Аброрбек Нурмуҳаммедов (69 кг), Бекзод Аҳмедов (76 кг), Шарофиддин Ерназаров (100 кг), Шермуҳаммад Шарибжонов (42 кг).