Йоханна Конта Токио Олимпиадасида қатнашмайди

"Кўпчиликка маълум, мен Уимблдонда иштирок эта олмадим. Чунки жамоам аъзоларидан бирида коронавирус аниқланди. Ўзимни изоляция қилиш пайтида менда вирус аломатлари пайдо бўлди. Натижада, менинг тестим ҳам ижобий чиқди.

Касаллик туфайли сўнгги икки ярим ҳафта давомида машғулот ўтказа олмадим. Ва менинг танам Олимпиадага тўлиқ тайёр эмас.

Бу хабар шунчаки қалбимни синдирмоқда, чунки мен Рио-де-Жанейродаги ўйинларда ақл бовар қилмайдиган ҳис-туйғуларни бошдан кечирган эдим. Бу фаолиятимдаги энг яхши хотиралардан бири", - деб ёзди Конта ўзининг твиттер саҳифасида.