Юнон-рум курашчиларимиз Россиядан 1та кумуш, 3та бронза билан қайтишди

Бу ҳақда Ўзбекистон спорт курашлари ассоциацияси матбуот хизмати хабар бермоқда. Мусобақада иштирок этган Ўзбекистон терма жамоаси полвонлари якунда 1та кумуш ва 3та бронза медалини қўлга киритишди.

98 кг вазн тоифасида гиламга чиққан ҳамюртимиз, Олимпиада-2016 иштирокчиси, бир неча карра Осиё чемпиони, Осиё ўйинлари ғолиби, жаҳон вице-чемпиони Рустам Ассакалов кумуш медалга сазовор бўлди.

Илҳом Баҳромов (59 кг), Арам Варданян (66 кг) ва Мўминжон Абдуллаев халқаро хотира турнирининг бронза медали билан тақдирланишди.