Юнон-рум кураши. Рустам Ассакалов олтин медаль, тўрт нафар спортчимиз эса бронза учун жанг қилади

Кеча бўлиб ўтган баҳсларда Елмурат Тасмурадов олтин, Мўминжон Абдуллаев эса кумуш медаль соҳибига айлангани ҳақида хабар қилгандик.

Бугун юнон-рум кураши бўйича баҳсларида иштирок этаётган беш нафар полвонларимиз мусобақада медаллар учун жанг ўтказмоқдалар.

Ҳозиргача саралаш баҳслари якунланди. Қувонарлиси, бугун турнирда қатнашаётган барча спортчиларимизда медаль қўлга киритиш имконияти мавжуд. -97кг вазн тоифасида гиламга чиққан Рустам Ассакалов барча рақибларини мағлубиятга учратиб, финалгача етиб келди. Энди у олтин медаль учун эронлик Саидганбар Салоҳизодага қарши баҳс олиб боради.

Шунингдек, Исломжон Баҳромов, Мирзобек Раҳматов, Арам Варданян ва Нурбек Ҳошимбековлар бронза медали учун гиламга чиқадилар.


Кечки дастурда ҳамюртларимиз иштирокидаги беллашувлар:

Финал

-97кг: Рустам Ассакалов - Саидганбар Салоҳзода


Бронза медали учун баҳслар:

-60кг: Исломжон Баҳромов - Ю Хунг Лин (Хитой Тайпейи)

-67кг: Мирзобек Раҳматов - Маниш (Ҳиндистон)

-72кг: Арам Варданян - Жианг Юан (Хитой)

-82кг: Нурбек Ҳошимбеков - Сингҳ Харпрет (Ҳиндистон)

Мазкур баҳсларда спортчиларимизга омад тилаб қоламиз.