Юрген Клопп мураббийлик фаолиятидаги 1000-ўйинни ўтказади

Англия Премьер лигаси 21-тури доирасидаги учрашувда “Ливерпуль” ва “Челси” ўзаро тўқнаш келади. Жамоалар “Ливерпуль”га тегишли “Энфилд” ўйингоҳида баҳс олиб борадилар. Бу ўйин Юрген Клопп учун жуда муҳим бўлади. Сабаби у турли жамоаларга устозлиқ қилган ҳолда минглик довонни босиб ўтишга яқин.

Юрген Клоппнинг илк бош мураббий сифатида жамоасини майдонга олиб тушган ўйини 2001 йил 28 февралда бўлиб ўтган. Ўша баҳсда унинг “Майнц” жамоаси “Дуйсбург”ни 1:0 ҳисобида мағлуб этган. 2008 йилда эса у Дортмунднинг “Боруссия” клуби бош мураббийи бўлди. У немис клуби билан икки марта Бундеслигада зафар қучди. 

Шундан сўнг 2015 йилда германиялик мутахассис “Ливерпуль” бошқарувига келди. Инглиз клуби билан мамлакат лигаси (2019/20) ва УЕФА Чемпионлар Лигаси (2018/19) ғолиблигини қўлга киритди. Клопп “Ливерпуль” бош мураббийи сифатида 410 ўйин ўтказди: 249 ғалаба, 92 дуранг ва 62 мағлубият. У 60,7 фоиз ғалаба кўрсаткичига эришди.