Юртимизнинг турли худудларида таэквондо WTF бўйича тадбирлар ташкил қилинди

Бу борада таэквондо WTF ассоциацияси ҳам анча фаол. Бунга мисол сифатида ташкилот томонидан жойларда ўтказилаётган тадбирларни мисол қилиб келтиришимиз мумкин.

Жумладан, Бекобод шаҳридаги 7-интернат-боғчада болажонлар учун кўргазмали чиқишлар намойиш этиб берилди. Ёшлар кунига бағишланган тадбир Ангрен шаҳридаги "Фреш" мажмуасида бўлиб ўтди. Қашқадарё ва Қорақалпоғистонда ўтказилган тадбирлар эса мураббийлар учун селекция вазифасини бажарди. Унда иқтидорли болалар саралаб олинди. Дам олиш кунлари эса Андижон шаҳридаги истироҳат боғида ташриф буюрувчилар учун мастер-класслар ўтказилди.

Албатта, спортни оммалаштириш, уни ривожлантириш йўлида бу каби тадбирларнинг аҳамияти катта. Айнан шундай кўргазмали чиқишлар, мастер-класслар орқали ёшлар орасида спортга қизиқиш уйғонади. Бу эса ўз навбатида бизга янгидан-янги номларни тақдим этади.