26 июл 21:48
Янгиликлар

Дзюдо

Загреб Гран-приси. Тиловов бронза учун баҳсда ютқазди

Хорватиянинг Загреб шаҳри мезбонлик қилаётган дзюдо бўйича Гран-при туркумига кирувчи нуфузли турнирнинг биринчи кунги баҳслари якуни сари яқинлашмоқда.

-66 кг вазн тоифасида юртимиз шарафини ҳимоя қилган дзюдочимиз Муҳриддин Тиловов бронза медали учун кечган беллашувда франциялик Килиан де Блоучга қарши татамига чиқди.

Учрашув ғолиби қўшимча дақиқаларда аниқланди. Баҳсни бошқариб борган америкалик рефери Дональд Робертсон “Golden Score”да ҳамюртимизга учинчи шидони кўрсатди ва бу билан у франциялик дзюдочининг ғалабасини таъминлади. Тиловов эса 5-ўрин билан кифояланди.