29 июн 10:38
Янгиликлар
Замонавий бешкураш. Бугун Марказий Осиё кубоги бошланади
Мезбонлардан ташқари Россия ва Қозоғистон давлатларидан жами 50дан зиёд кучли атлетлар иштирок этаётган мазкур чемпионатда Ўзбекистон делегацияси спортчилари ҳам ўз имкониятларини синов ўтказишяпти.
Халкаро мусобақада юртимиз шарафини бешкурашчи Руслан Маматқулов илк бор ҳимоя килади. Замонавий бешкураш бўйича ўтказилган Ўзбекистон Очиқ чемпинатида ғолиб бўлган Руслан Маматқулов мусобақа тақвимига кўра бугун сузиш ва қиличбозлик бўйича ўз маҳоратини синовдан ўтказади.
30 июнь куни эса конкур-от билан тўсиқлардан сакраш бўйича баҳсларга киришади. Шу куннинг ўзида спортчилар комбайн-югуриш ва ўқ отиш бўйича очколар жамғаришга киришади. Бишкек шаҳрида ўтказилаётган ушбу очиқ чемпионатда ғолиб бўлган бешкурашчилар якунда Марказий Осиё кубоги соҳибига айланишади.
Ўзбекистон замонавий бешкураш федерациясидан маълум қилишларча ушбу турнирдан кўзланган асосий мақсад юртимизда ушбу спорт турини янада оммалаштириш, иқтидорли ёшларни кашф этиш ва уларнинг халқаро мусобақалардаги иштирокини таъминлаш, шунингдек федерациялараро дўстлик алоқаларини мустаҳкамлашдан иборатдир.
Эслатиб ўтамиз, юртимизда жорий йилнинг 10 февраль куни Ўзбекистон замонавий бешкураш федерацияси ташкил этилган эди. Бишкекдаги мусобақа спортчиларимизнинг халкаро аренадаги илк иштироки саналади.
Ўзбекистон замонавий бешкураш федерацияси ахборот хизмати
Фикрлар