Зангиотада юртимиз полвонлари Ўзбекистон кубоги учун курашмоқда

Куни кеча Тошкент вилояти Зангиота туманида жойлашган “Миллий гвардия” спорт мажмуасида бошланган Ўзбекистон кубоги баҳсларида ҳам шу ҳол кузатилди. Беллашувларни томоша қилиш, ўз спортчиларини қўллаб-қувватлаш учун Сурхону Қашқадарё, Бухорою Хоразмдан келган ишқибозлар илк кунги баҳсларнинг шиддатли ўтишини таъминлади, десак муболаға бўлмайди.

Полвон борки, ишқибозлар қўлловидан, далдасидан куч ва маънавий кўмак олади. Бу сафар ҳам шундай бўлди. Мамлакат кубогининг дастлабки кунида эркаклар 60, 66, 73 килограммда, аёллар эса 48, 52, 57 килограммда ғолиблик учун беллашди.

Шиддатли ўтган баҳсларда Сурхондарё, Қашқадарё, Бухоро, Тошкент, Сирдарё ва бошқа вилоятлар спортчилари ғолиблик шоҳсупасига кўтарилди.

Ўзбекистон кубогининг очилиш тантаналарида, ғолиб ва совриндорларни тақдирлаш маросимларида иштирок этган спорт вазири ўринбосари Ш.Маҳмудов Тошкент вилояти прокурори ўринбосари Н.Ҳалилов, Жамоат хавфсизлиги университети ректори М.Рустамбоев, мамлакат кураш федерацияси раиси ўринбосари У.Умаров халқимизга хос бўлган мардлик, жасурлик, ватанпарварликни ўзида акс эттира олган миллий спортимиз курашни оммалаштиришда бу каби мусобақалар муҳим аҳамият касб этишини таъкидлади.

Айтиш лозим, ўтказилаётган мусобақада эркаклар ва аёллар 16 вазн тоифасида баҳс олиб бормоқда. Қорақалпоғистон Республикаси, вилоятлар ва Тошкент шаҳридан келган сара полвонлар яккалик ва жамоавий беллашувларда Ўзбекистон кубоги учун курашмоқда.

Мусобақа 21 февралга қадар давом этади.