Zuffa Турки Ал аш-Шайхга ўзининг чемпионлик камарини тақдим этди + ФОТО

Хабарда айтилишича, Zuffa Boxing янги промоутерлик компанияси раҳбарлари Дана Уайт ва Ник Хон унга Zuffa чемпионлик камарини кўрсатган, у биринчи марта 8 март куни Жей Опетая ва Брендон Глентон ўртасидаги жангда ўртага қўйилади.

"Бугун мен бахтлиман, Лас-Вегасда ака-ука Дана ва Ник билан учрашдим ва улар менга ажойиб олмослар билан безатилган Zuffa Boxing`нинг биринчи камарини тақдим этишди. Бу Zuffa Boxing учун улкан старт ва уни қўлга киритиш фақат энг яхшиларга насиб этади", - деб ёзди Ал аш-Шайх ижтимоий тармоқдаги саҳифасида.

Эслатиб ўтамиз, Zuffa Boxing промоутерлик компанияси ўтган йили ташкил этилган бўлиб, у профессионал бокс ландшафтини UFC’га ўхшаш тарзда ўзгартирмоқчи. Улар ўз рейтингларини юритиш ва ўзларининг жаҳон чемпионлик камарларини ўйнаш ниятида. Аммо WBA, WBC, IBF ва WBO асосий федерациялар билан ҳамкорлик қилишни режалаштирмаяпти.

Zuffa Boxing 60 фоизи Саудиянинг SELA компаниясига, 40 фоизи эса UFC ва WWE брендларига эгалик қилувчи TKO Group Holdings компаниясига тегишли. Уайт UFC раҳбари, Ник Хан эса WWE раҳбари ҳисобланади.